Kaysı Polonya-Litvaniya (Lehistan ) yazmaları 16 ınçı ğasır soñlarında 200 meñgä yakın Tatar dip äitelgän Kıpçak Törki halkınıñ (Litva Tatarları, Polyak Tatarları, Lipkowie, Lipcani häm Muslimi dip tä belenä) 400 gä yakın mäscid yasagannarın yaza. Tatarlar Leh (Polyak häm Litva) halkı belän bergäläşep Rus imperyasına karşı ber niçä tapkır ayaklangannar. Läkin mondi ayaklanular kanlı räweştä bastırılgan häm halkıbıznıñ kübe Osmanlı Törkiyäsenä barıp citkänen Osmanlı arşivlärendän ukıp bula.

Törle Tatar halıkları Lehistan patşalıgına 13 ençe belän 17 ençe ğasırları arasında urnaşkannar. Aksak Timurgä (Timurlenk) sugışta otılıp 3,000 gaskäre belän kaçkan Altın Urda hanı Tuktamış Han Lehistanda urnaşkan in zur Tatar törkeme dip belenä.

Yıllar buyı bu cirlärgä urnaşkan Tatarlar 18 ençe ğasırga kilep citkändä inde alar Tatar telen saklap kala almagan, yä Palyak yäki Litva telendä söyläşkännär. Lekin İslam dinen häm Tatar ğoref-ğadätlären onıtmagannar. Hazerge köndä Tatarlarınıñ sanı Polonyada 5 meñläp, Litvaniyada 10-15 meñläp dip belenä.